पाेखरा २१, चैत
दलित संजाल समिति हेमजाको आयोजना तथा पोखरा महानगरपालिका वडा नं २५ को आर्थिक सहयोगमा हेमजामा एक महिने आधारभुत इलेक्ट्रिसियन तालिम सुरु भएको छ। २०८१ चैत २१ मा सुरु भएको तालिम २०८२ वैशाख २१ गते हुनेछ।
कार्यक्रमको उद्धघाटन गर्दै पोखरा महानगरका प्रवक्ता तथा पोखरा २५ हेमजाका अध्यक्ष मोतिलाल तिम्सिनाले यो जीवनोपयोगी तथा अति आवश्यक नहुने ज्ञान सिप भएकाले नियमित र सक्रिय रुपमा सहभागी हुन र सबै कामलाई सम्मान गर्नुपर्ने र वडाले प्रत्येक वर्ष लक्षित समुदायका लागि स्वरोजगार ,जिवनोपयोगी क्षेत्रमा बजेट छुट्टाएको बताउनु भयो। त्यसै गरी वडा सदस्य तारा विक ज्यूले हाम्रो समुदाय यस्ता तालिममा सक्रिय सहभागीता रहनु पर्ने बताउनुभयो। साथै पोखरा महानगरपालिका वडा नं-२५ का लेखा अधिकृत दयाराम विक ज्यूले यस्ता तालिम लिई स्वरोजगार र आत्मनिर्भर हुनुपर्ने बताउनुभयो।
उक्त तालिममा २५ जना सहभागी रहेक छन र प्रशिक्षक केशव सुवेदी रहनुभएको छ । संजालका अध्यक्ष टेक बहादुर विक को अध्यक्षतामा रहेको उक्त उद्धघाटन कार्यक्रममा स्वागत संजालका सदस्य शिव परियार र संचालन सचिव सुनिल गायकले गरेका थिए।