टुओम्बा खुकुरी कपको उपाधि विस्रवेन नेपलिज फुटबल क्लबलाई

खोजी विशेष संवाददाता
टुओम्बा ७, डिसेम्बर
टुओम्बा खुकुरी कपको उपाधि विस्रवेन नेपलिज फुटबल क्लबले चुमेको छ । अष्ट्रेलियाको क्वीन्सल्याण्ड राज्यको टुओम्बा शहरमा आइतबार आयोजित सेभेन ए साइड फुटबल प्रतियोगितामा फाइनलमा प्रतिस्पर्धी टुओम्बा नेपलिज क्लबलाई २—१ को अन्तरले पछि पार्दै बिस्रवेन नेपलिज फुटबल क्लबले उपाधि जितेको हो।
उपाधि जितेसँगै नगद ७ हजार अष्ट्रेलियन डलर, ट्रफी र मेडल प्राप्त गरेको छ भने प्रतियोगिताको उपविजेता बनेको टुओम्बा नेपलिज फुटबल क्लबले नगद २ हजार अष्ट्रेलियन डलर, ट्रफी र मेडलमा चित्त बुझाउन परेको छ ।
प्रतियोगितामा दोस्रो रनर अफ बनेको गोर्खा फुटबल क्लबले नगद १ हजार अष्ट्रेलियन डलर, ट्रफी मेडल प्राप्त गरेको छ ।
त्यस्तै प्रतियोगितामा सर्वाधिक गोलकर्तामा टुओम्बा नेपलिज फुटबल क्लबका निरज चौधरी, गोल रक्षकमा बिस्रवेन फुटबल क्लबको श्यामुल श्रेष्ठ र म्यान अफ दी म्याचको उपाधि टुओम्बा फुटबल क्लबका किरण लामाले २ २ सय डलर सहित ट्रफी हात पारेका छन् ।
प्रतियोगितामा आयोजकको २ टीम सहित, विस्रवेन, सनसाइनकोष्ट, गोल्डकोष्ट लगायतका विभिन्न फुटबल क्लबहरुको सहभागिता रहेको थियो।
विहान ८ बजे देखि सुरु भएको खुकुरीकप बेलुका ८ बजे समापन भएको थियो ।
प्रतियोगितालाई स्थानीय सरकार, टुओम्बा काउन्सिल, टुओम्बा स्थितका विभिन्न नेपाली संघ संस्थाहरुको सहकार्य रहेको टुओम्बा नेपिलिज फुटबल क्लबका अध्यक्ष अमृत थापाले खोजी विशेषलाई जानकारी दिनुभयो । साथै उहाँले खेल आयोजना तथा सम्पन्न गर्न विभिन्न तह र तप्का बाट भूमिका खेल्ने, प्रायोजक, संघ संस्था, स्वयसेवी तथा सम्पूर्णमा आयोजक आभारी रहेको समेत ब्यक्त गर्नुभयो ।
प्रतियोगिता सम्पन्न गर्न एडब्लुटीआई कलेज ले मुख्य प्रायोजकको भूमिका खेलेको थियो ।
टुओम्बाको चर्काे घाँममा पनि खेलाडीहरु निकै मेहतन तथा प्रतिपर्धाका साथ खेलेका थिए।
टुओम्बा नेपलिज फुटबल क्लबले विगत केही बर्ष यता खुकुरी कप आयोजना गर्दै आइरहेको छ ।