क्यार्लिफोनिया, २६ डिसेम्बर
अस्ट्रेलियाको क्वीन्सल्याण्डमा रहेको क्वीन्सल्याण्ड नेपाली साँस्कृतिक केन्द्रको अध्यक्षमा पुन ः डा. केशव शर्मा चयन हुनुभएको छ ।
संस्थाको गत डिसेम्बर १४ तारिखमा बसेको साधारण सभा तथा अधिवेशनले शर्मालाई पुनः अध्यक्षमा चयन गरेको हो ।
समितिको उपाध्यक्षमा अनिता अधिकारी आले, सचिवमा नारायण पन्थी, कोषाध्यक्षमा गोविन्द ओझा, सहायक कोषाध्यक्षमा जीवन पौडेल र सदस्यहरुमा देवकला श्रीस, सरोज क्षेत्री, टीकाराम शर्मा, मिकेश बस्नेत, सोवित अधिकारी र आविष्कार पाण्डे चयन हुनुभएको छ भने बाँकी २ जना सदस्य व्यवस्थापन समितिले चयन गर्ने बताइएको छ ।
सभामा संस्थाको बार्षिक गतिविधि, उपलब्धि तथा आयव्ययको विवरण प्रस्तुत गरिएको थियो ।सभाले बर्ष २०२५ –२०२६ का लागि नयाँ व्यवस्थापन समिति चयन गरेको हो ।
क्वीन्सल्याण्ड नेपाली साँस्कृतिक केन्द्रले अस्ट्रेलियाको क्वीन्सल्याण्डमा जग्गा खरिद गरिसकेको छ भने पशुपति नाथको मन्दिर ,बौद्ध स्तुपा तथा साँस्कृतिक भवन बनाउने लक्ष्य बोकेको छ ।जसका लागि आर्थिक संकलन अभियान सञ्चालन गरिराखेको छ ।
नवनिर्वाचित शर्माले कार्यक्रमलाई सफल बनाउन साथ दिने संघ संस्था, व्यक्ति तथा आजीवन सदस्यहरुलाई धन्यवाद ज्ञापन गर्नुका साथै संस्थाको भावी योजनामा सबैको साथ सहयोगको अपेक्षा रहेको बताउनुभयो ।