खोजी विशेष संवाददाता
सेम्प्टेम्बर ,६ टुओम्बा
लाहाचोक यूवा सञ्जालको मुख्य आयोजनामा तथा माछापुच्छे्र त्रिशक्ति युनाइटेडको समन्वयमा यही असोज १ गते सोमबार कास्कीको माछापुच्छ्रे गाँउपालिका वडा नं ४ लाहाचोकमा तिज विशेष साँस्कृतिक कार्यक्रम हुने भएको छ ।
सभ्य, शान्त र समृद्ध यहाँको पहिचान ः विकास , प्रगति र उन्नती हाम्रो अभियान भन्ने मूल नाराका साथ लाहाचोक खेलमैदानमा विहान १० बजे देखि सुरु हुने कार्यक्रममा बहुचर्चित लोक गायिका शर्मिला गुरुङ र चर्चित गायिका समीक्षा अधिकारी, गायक र लोक गायक श्रीराम अधिकारी साथै स्थानिय कलाकारहरुको बेजोड प्रस्तुती रहने आयोजकले जनाएको छ । साथै स्थानीय कलाकारहरु राजेन्द्र अधिकारी , ज्ञानसरा जुगजली, शंकर नेपाली र दिवस श्रेष्ठको समेत प्रस्तुती रहने छ ।
कार्यक्रममा अन्य आर्कषणहरुमा एकल महिला तिज गीत प्रतियोगिता, आमा समूह स्तरीय तिज गीत प्रतियोगिता , महिला घैटोँ फुटाउने प्रतियोगिता, लाँखे नाँच एवम् पञ्चेबाजा प्रर्दशन साथै विभिन्न साँँस्कृतिक कार्यक्रमहरु बताइएको छ ।
कार्यक्रममा बैदेशिक रोजगार मञ्च लाहाचोक, महिला सञ्जाल लाहाचोक र साना किसान कृषि सहकारी संस्था लि. लाहाचोक को सहकार्य रहने आयोजकले जनाएको छ ।
सो कार्यक्रमको संरक्षकमा माछापुच्छ्रे गाँउपालिका वडा नं ४ को कार्यालय रहेको छ ।
कार्यक्रमको मिडिया पार्टनरमा रेडियो हेमजा ८८.५ मेगाहर्ज, फोरके नेपाल युट्ब च्यानल र खोजी विशेष डिजिटल मिडिया रहेको छ ।