खोजी विशेष संवाददाता
टुओम्बा, २ अक्टोबर
अस्ट्रेलियाको क्वीन्सल्याण्ड राज्यमा रहेको क्वीन्सल्याण्ड नेपाली साँस्कृतिक केन्द्रले आफनो विशाल परियोजनाको लागि यही आँउदो अक्टोबर ९ तारिख भित्र जग्गा खरिद गरिसक्नुपर्नेछ ।
क्वीन्सल्याण्डको लोगन रिर्जभमा रहेको ४० हजार वर्गमिटर क्षेत्रफल रहेको उक्त जग्गा खरिदका लागि आजको दिन सँगै मात्रै ७ दिन बाँकी छ । जग्गा खरिदका लागि करिब १५ लाख २० हजार डलर लाग्ने अनुमान गरिएको छ सो अनुमानित रकममा ३ लाख डलर अझै पुगेको छैन ।
क्वीन्सल्याण्ड नेपाली साँस्कृतिक केन्द्रले विगत केही महिना यता रकम संकलन अभियान तिव्र रुपमा सञ्चालन गर्दै आएको छ । केन्द्रले आफनै जग्गामा पशुपतिनाथको झल्को दिने मन्दिर , बौद्ध स्तुपा र सामुदायिक हल बनाउने योजना बोकेको छ ।
यो अभियानलाई हालसम्म क्वीन्सल्याण्डको व्रिसवेन, टुओम्बा, गोल्डकोष्ट, सनसाइनकोष्ट, बन्डाबर्ग, रकहयाम्टन, टाउन्सभिल तथा अन्य रिजनल टाउन्स, न्यू साउथ वेल्स ,तास्मानिया, , भिक्टोरिया, साउथ अस्टे«लिया र नर्दन टेरीटोरी बाट सदस्ययता लिइसकेका छन् । यो बाहेक पनि अस्टे«लिया बाहिर इन्डिया, मलेसिया, पिलिन्पिस, नेपाल र पपूवा न्यूगिनी बाट समेत सदस्यता लिएका छन् ।
पछिल्लो समयमा एकल व्यक्ति, परिवार मात्र नभिई विभिन्न सामाजिक तथा साँस्कृतिक संस्था क्लब तथा समूहबाट पनि क्यूएनसिसीको आजीवन सदस्यता प्राप्त भएको छ जुन स्वागत योग्य रहेको संस्थाका अध्यक्ष केशव शर्माले जानकारी दिनुभयो ।
क्वीएनसीसीको यो महाअभियानमा हालसम्ममा एकल तथा परिवार सहितको गरेर ५ सय भन्दा बढी सदस्यता लिइसकेका छन् । सदस्य बन्नका लागि एकलको हकमा १ हजार डलर र परिवारको हकमा १ हजार ५ सय डलर तोकिएको छ। संस्थाले हालसम्ममा आजीवन सदस्यता एकल, परिवार तथा सहयोग स्वरुप प्राप्त गरेर संकलन गरेको छ ।
अस्टे«लियाको क्वीन्सल्याण्डको विस्रवेन शहरमा मात्रै झण्डै २५, देखि ३० हजारको संख्यामा नेपालीहरु रहेको अनुमान गरिएको छ । त्यसमध्येमा यही पि आर लिएर सेटेल भएर बसेका को संख्या ५ हजार रहेको अनुमान गरिएको छ । त्यही ५ हजारमा पनि ५सय सदस्य बन्न पनि मुस्किल परिस्थित सिर्जना हुनु सारै दुःखद कुरा हो ।
नेपाली हु , नेपालको माया गर्छु भनेर गर्व गरे सँगै यता तिर पनि केही सहयोग गर्ने होकी ¤
संस्थाले आफना हरेक गतिविधिहरु संस्थाको अफिसियल फेसवुक पेज मार्फत प्रकाशित गर्दै आइरहेको छ । त्यो सँगै हरेक हप्ता , बैठक, भेटघाट तथा छलफल गर्दै आइरहेको छ ।
यदि यहाँहरु पनि संस्थाको महा अभियानमा जोडिन चाहानुहुन्छ भने संस्थाको आर्थिक सहयोगको लागि बैक खाता ः
Account Name : Queensland Nepalese Cultural Centre
BSB : 064163
Account Number : 10517303
संस्थाको महाअभियानमा यदि केही सहयोग सल्लाह सुझाव भएमा संस्थाका कुनैपनि पदाधिकारीहरु सँग सम्पर्क गर्न सकिने संस्थाले जनाएको छ ।