पोखरा १२, मंसिर
रोट्र्याक्ट क्लब अफ हेमजाको १२ औं पदस्थापन कार्यक्रम शनिवार पोखरा २५ हेमजामा सम्पन्न भएको छ ।
कार्यक्रमलाई सम्बोधन गर्दै प्रमुख अतिथि पोखरा युनिर्भसिटी हेल्थ / साइन्स का डिन प्रोफेसर डक्टर अमर नागिल्लाले क्लबले अझै यस्तै राम्रा काम गर्दै जानु पर्छ भन्दै शुभकामना दिनु भयो । साथै आफु पनि रोट्रयाक्ट क्लब अफ हेमजा लाई सहयोग गर्न तयार रहेको बताउनु भयो ।
कार्यक्रममा रोटरी क्लब अफ पोखरा अन्नपूर्णका अध्यक्ष रोटरीयन टोय बहादुर भट्टराई, क्लबका मेन्टर रोटरीयन जनपुकार मनोङकमी बिश्व दर्शन पराजुली र जोन १७ का शासोत न्यौपाने लगाएत समाजसेवी ब्यक्तिको सहभागीता रहेको थियो ।
कार्यक्रममा क्लबका पूर्व अध्यक्ष ई.विकल थापाले आफ्नो कार्यकाल 2022/23 मा गर्नु भएका कार्यक्रमहरु प्रस्तुत गर्दै आफ्नो कार्यकालमा साथ सहयोग गर्नु हुने सम्पूर्ण प्रती आभार प्रकट गर्दै बिभिन्न बिधामा अवार्ड प्रदान गर्नु भएको थियो । क्लबका अध्यक्ष बिशाल बाँस्तोलालाई सपथ ग्रहण विश्व दर्शन पराजुलीले गराउनु भयो । कार्यक्रमका सभापति क्लबका अध्यक्ष बाँस्तोलाले भाबि योजना बताउदै आफ्नो कार्यकाल पनि उत्कृष्ट बनाउने र यस को लागी सबैको साथ सहयोगको आवश्यक रहेको बताउदै कार्यसमितिहरुलाई सपथ ग्रहण गराउनु भयो । क्लबका पूर्व अध्यक्ष ई. विकल थापाले आफ्नो कार्यकालमा भएका गतिबिधि र भाबि योजनामा तयार तयार पारी छापिएको सार्थक नामको किताब प्रकाशन गर्नु भएको थियो ।
प्रकाश पौडेलले स्वागत गरि सुरु भएको कार्यक्रममा धन्यवाद ज्ञापन अपेक्षा बाँस्तोलाले र सञ्चालन सचिव राज पौडेल र सहसचिव सम्झना अधिकारीले गर्नुभएको थियो ।