खोजी विशेष संवाददाता
टुओम्बा ३०, अगस्ट
नेपालबाट अस्ट्रेलिया आँउनु भएका टुओम्बा बुवा आमा समूहले आज मंगलबार भेटघाट तथा विदाई कार्यक्रम सम्पन्न गरेको छ ।
अस्ट्रेलियाको क्वीन्सल्याण्ड राज्यको टुओम्बा स्थित लेमवे एभिन्यू पार्क (नेपाली पौवा)मा विहान १० बजे उक्त कार्यक्रम शुरु भएको थियो ।
कार्यक्रममा उपस्थित बुवा आमा बीच भेटघाट, परिचय तथा नेपाल फर्कन लाग्नुभएका बुवा आमाहरुलाई विदाई कार्यक्रम समेत गरिएको थियो ।
भेटघाटका क्रममा उपस्थित बुवा आमाहरुले आफूले अस्ट्रेलियामा देखे भोगेको अनुभव साटासाट गर्नुभएको थियो ।
उपस्थित बुवा आमाहरुले भेटघाटमा छुट्नु भएका , भर्खर नेपाल बाट आउनुभएका र नेपाल फर्कन लाग्नुभएका सबै जना बुवा आमा मिलेसम्म पार्कमा भेटघाट गर्ने र नेपालको माया ममतालाई कायमै राख्नुपर्नेमा जोड दिनुभएको थियो ।
कार्यक्रमको अन्त्यमा उपस्थित बुवाआमाहरुले चियापान समेत गर्नुभएको थियो ।
कार्यक्रममा उपस्थित बुवा आमा मध्ये जेष्ठताको आधारमा राम शरण बस्नेत को सभाध्यक्षतामा सञ्चालित कार्यक्रममा महेश्वर आचार्यले स्वागत र पूर्णमान श्रेष्ठले कार्यक्रमको सञ्चालन गर्नुभएको थियो । कार्यक्रमको व्यवस्थापन कप्रिन्द्र देउजाले गर्नुभएको थियो ।