खोजी विशेष संवाददाता
पोखरा १७, श्रावण
चोरी तथा डाँका सम्बन्धी कसुरमा कास्की प्रहरीले ४ जनालाई पक्राउ गरी सार्वजानिक गरेको छ ।
यसरी पक्राउ पर्नेहरुमा कास्की जिल्ला माछापुच्छ्रे गाँउपालिका वडा नं ४ लाहाचोक बस्ने बर्ष ४२ को सुर्य बहादुर घर्ती क्षेत्री, माछापुच्छ्रे गाँउपालिका वडा नं २ भराभरी बस्ने बर्ष ५१ को खड्क बहादुर पुन मगर, पोखरा महानगर पालिका वडा नं २१ बस्ने बर्ष ५८ को लोक बहादुर राना मगर र पोखरा महानगरपालिका वडा नं ३ नदिपुर बस्ने बर्ष ३५ को राजु सुनार लाई प्रहरीले पक्राउ गरी चोरी तथा डाँका सम्बन्धी कसुरमा मुद्दा दायर गरेको छ।
उनीहरुले गत श्रावण ३ गते अन्दाजी राती ८ः३० बजे कास्की जिल्लाको माछापुच्छ्रे गाँउ पालिका वडा नं १ रुम्जा बस्ने शशीघर काफलेको घरमा ४÷५ जनाको समुहमा गई धारिलो हतियार देखाएर विभिन्न किसिमका सुनका गर गहना , मोबाईल र नगद समेत गरी अन्दाजी मुल्य रु १४ लाख ८ हजार बराबरको धनमाल चोरी गरेका थिए ।
घटना पश्चात सूचना पाएको वडा प्रहरी कार्यालय बगर कास्कीबाट प्रहरी टोली खटिई जिल्ला प्रहरी कार्यालय कास्की र वडा प्रहरी कार्यालय बगर कास्कीबाट खटिएको टोलीले अनुसन्धान गर्दै जाँदा घटनामा संलग्न ४ जना व्यक्तिहरुलाई प्रक्राउ चोरी तथा डाँका सम्बन्धी मुद्दामा थप गरी अनुसन्धान प्रक्रिया अगाडी बढाएको जिल्ला प्रहरी कार्यालय कास्कीले जनाएको छ ।
By admin_khojibises
खोजी विशेष मिडिया अस्ट्रेलिया बाट सञ्चालित नेपाली मिडिया हो । जसमा अस्ट्रेलियाको नेपाली समुदाय भित्र हुने गरेका विविध गतिविधि तथा क्रियाकलाप समावेश गरिदै आएको छ। यस गरी नेपालको राजनीति , शिक्षा स्वास्थ, खेलकुद मनोरञ्जन लगायतका विविध विषयवस्तुहरूलाई समेट्दै सूचना तथा समाचारका माध्यम बाट आम जनमानसलाई सू सुचित गरिदैँ आएको छ। परदेशी भूमिमा रहेर पनि नेपाली भाषामा समाचार, विविध विषयवस्तु तथा सूचना दिने हाम्रो प्रयास हो । हामी वेभसाईट सँगै अन्य विभिन्न Social Media Platform मार्फत सूचना, समाचार तथा मनोरञ्जन प्रदान गरिरहने छौ । youtube : Khojibises Tiktok : khojibisestv instragram : khojibises facebookpage : khojibises if you have anything about your concern to us you can contact : khojibises@gmail.com