गोविन्द तिमिल्सिना
हेमजा, १५ भदौ
हेमजा भु. पु सैनिक बचत तथा ऋण सहकारी संस्था पोखरा २५ हेमजाको नवौं वार्षिक साधारण सभा शनिबार हेमजामा सम्पन्न भएको छ । पोखरा महानगरपालिका वडा न. २५ का कार्यवाहक अध्यक्ष धन कुमारी पोखरेल तिमिल्सिनाले संस्था बचाउन सेयर सदस्यको साथ हुन आवश्यक हुने बताउदै सहभागीता कम भएको उल्लेख गर्नुभयो । नियमित बचतले सहकारी फस्टाउने बताउदै लेखा समितिलाई नियमित निगरानी गर्न आग्रह गर्नुभयो । कार्यक्रममा पुर्व वडा सदस्य जितबहादुर कार्की, बिरेन्द्र मा.बि भक्तपुरका पुर्व प्रसासकीय अधिकृत हरिप्रसाद पौडेल, भु.पु सैनिक संघ कास्कीका अध्यक्ष बलराम पौडेल, किसान बहुउद्देश्यीय सहकारीका व्यवस्थापक हरिप्रसाद त्रिपाठी र सेयर सदस्य झकंनाथ तिमिल्सिना लगाएतले शुभकामना दिनु भएको थियो ।
उत्कृष्ट बचत गरेकोमा सुरेश बहादुर सापकोटा , निरन्तर बचतकर्ता सोभा सुनार र उत्कृष्ट कारोबारमा लछुाण सुनारलाई सम्मान गरियो । उपाध्यक्ष कृष्णबहादुर सापकोटाले स्वागत गरि सुरु भएको कार्यक्रममा सहायक व्यवस्थापक ले सहकारीको सात सिद्धान्त वाचन गर्नुभयो । सचिब सेर बहादुर कार्कीले सचिबको प्रतिबेदन र कोषाध्यक्ष श्यामबहादुर कुवँरले आर्थिक प्रतिबेदन प्रस्तुत गरि सभाले पारित गरेको थियो । संस्थाको सेयर पुजी ३ करोड ४९ लाख ६ हजार ५०० रहेकोमा ८ करोड ३६ हजार २९२ निक्षेप संकलन तथा ९ करोड ६ लाख १३ हजार ४२ ऋण लगानी रहेको छ । संस्थाका अध्यक्ष सुरेश बहादुर सापकोटाको अध्यक्षतामा भएको कार्यक्रमको सञ्चालन सचिव शेर बहादुर कार्कीले गर्नु भएको थियो ।