खोजी विशेष संवाददाता
टुओम्बा २०, सेम्प्टेम्बर
अस्ट्रेलियामा यस बर्ष विजया दशमीको टीका अक्टोबर १३ तारिख आइतबार परेको छ ।
नेपाल लगायत अधिकांश देशमा अक्टोबर १२ तारिख शनिबार विजया दशमीको टीकाको शुभ साइत रहेता पनि अस्ट्रेलियामा भने भोली पल्ट मात्रै शुभ साइत रहने अन्तराष्ट्रिय पञ्चाड्ढ निणार्यक समितिले जनाएको छ ।
अस्ट्रेलियामा मनाइने विजया दशमी पर्वको दशमी तिथि उदयकालिन २०८१ आश्विन २७ गते (२०२४ अक्टोबर १३ तारिख ) भएकाले अस्ट्रेलियामा यसै दिन विजयादशमी टीका ग्रहण गर्नुपर्ने बताइएको छ । नेपालमा आश्विन २६ गते (अक्टोबर १२ तारिख) शनिवार सूर्यादयकालिन दशमी तिथि भएको र २७ गते सूर्यादय कालमा दशमी तिथि नहुनाले नेपालमा आश्विन २६ गते नै विजया दशमी मनाउनु पर्नेछ ।
अन्तराष्ट्रिय पञ्चाड्ढ निर्णायक समितिले अस्ट्रेलियामा लक्ष्मी पूजा औशी तिथि सन्ध्याकाल २०८१ कार्तिक १६ गते (२०२४ नोभेम्बर १ तारिख ) भएकाले अस्ट्रेलियामा नोभेम्बर १ तारिख का दिन लक्ष्मी पूजा गर्नुपर्ने बताइएको छ भने नेपालमा कार्तिक १५ गते अर्थात अक्टोबर ३१ तारिख मा सन्ध्या कालमा औशी तिथि भएकाले १५ गते नै लक्ष्मी पुजा गर्नुपर्ने बताइएको छ ।