गोविन्द तिमिल्सिना
हेमजा, ५ असोज
नेपाल रेडक्रस सोसाइटी पोखरा २५ हेमजाको आयोजना तथा स्वास्थ्य कार्यालय कास्कीको सहयोगमा शनिबार हेमजामा डेगीं संक्रमण नियन्त्रण तथा रोकथाम सम्बन्धि सचेतना कार्यक्रम सम्पन्न भएको छ । पोखरा महानगरपालिका वडा न. २५ का वडा सदस्य कृष्णबहादुर कुँवरले कार्यक्रम सफलताको शुभकामना दिदै महानगरबाट वडामा भएका काम बारे जानकारी गराउनु भयो ।
कार्यक्रममा गौरीशंकर क्याम्पसका प्रमुख कृष्णप्रसाद पौडेल, सामुदायिक सेवा केन्द्र एवं सामुदायिक प्रहरी सेवा पोखरा २५ हेमजाका अध्यक्ष देवीप्रसाद अधिकारी लगाएतले बोल्नु भयो । कार्यक्रममा हेमजामा रहेका बिद्यालयका बिद्यार्थी तथा आमा समुहका प्रतिनिधिको सहभागीता रहेको थियो ।
सदस्य मिनबहादुर थापाले स्वागत गरि सुरु भएको कार्यक्रममा कोषाध्यक्ष आरति अधिकारीले सात सिद्धान्त वाचन गर्नु भयो । सभापति नेत्रपाणी भण्डारीको अध्यक्षतामा भएको कार्यक्रमको सञ्चालन सचिव रमा त्रिपाठीले गर्नु भएको थियो ।