पोखरा २७ जेठ
पोखरा महानगरपालिका वडा नं २५ हेमजामा विभिन्न उद्देश्यले सञ्चालित कुल १८ वटा सहकारी बीचको बुधबार बसेको भेलाले हेमजा सहकारी मन्च गठन गरेको छ ।
भेलाले रुदनाथ पौडेलको अध्यक्षतामा ९ सदस्यीय कार्य सञ्चालन समिति र १८ सदस्यीय मुल समिति चयन गरेको छ ।
भेलाले समितिको उपाध्यक्षमा मोतिराम तिमिल्सिना, सचिवमा रामचन्द्र त्रिपाठी, कोषाध्यक्षमा मेघराज त्रिपाठी, सहसचिवमा उमा आचार्य त्रिपाठी र सदस्यहरुमा क्रमश देवी प्रसाद अधिकारी, मोहन त्रिपाठी, सुरेश सापकोटा र खिम नारायण अधिकारीलाई चयन गरेको छ ।
मुल समितिको बाँकी अन्य सदस्यहरुमा अन्य सहकारीका अध्यक्षहरु स्वत चयन हुने निर्णय समेत गरिएको छ ।
नव गठित सहकारी मन्चले हेमजामा कर्जा सूचना केन्द्रको स्थापना गर्ने, तालिम र सहकारी शिक्षालाई व्यापक बनाउने, संस्थालाई सुशासन युक्त बनाउने, सहकारीमा पर्न सक्ने समस्या र चुनौतीको सामुहिक समाना गर्ने लक्ष्य लिएको छ ।
हेमजा सहकारी मन्च गठन पछि, नवगठित टीमलाई बधाई तथा शुभकामनाका साथै मन्चले एकीकृत सामाजिक उत्तरदायित्व समावेश गर्ने, सहकारीको व्याज तथा किस्ता तिर्ने ढिला सुस्ती गर्ने ऋणी प्रति झक्झकाउने लगायतका काम गर्ने हेमजा बासीले अपेक्षा गरेका छन् ।
