नि:शुल्क आँखा शिविरमा ६१५ लाभान्वित

गोविन्द तिमील्सिना
 हेमजा, २७ असोज
आशिर्वाद क्लब अफ नेपाल हेमजाको आयोजना तथा रोट्रयाक्ट क्लब अफ हेमजाको सहआयोजनामा पोखरा २५ हेमजामा शनिबार नि : शुक्ल आँखा शिविर सम्पन्न भएको छ ।
“स्वस्थ आँखा सुन्दर संसार ” भन्ने उदेश्यका साथ आयोजना गरिएको शिविरमा हिमालयन आँखा अस्पताल पोखराको प्राविधिक सहयोग रहेको थियो । वडा नं. २५ हेमजा वडा कार्यालयको समन्वय भएको कार्यक्रममा ६१५ जना लाभान्वित भएका छन् ।६१५ जना उपस्थित आँखा शिविरमा १३० जनालाई चस्मा वितरण गरिएको थियो भने ८ जनाको नि:शुल्क शल्यक्रिया गरिने भएको छ। सो अवसरमा बडा दशै र शुभ दिपावलीको शुभकामना आदानप्रदान गरियो ।
कार्यक्रममा सम्बोधन गर्दै प्रमुख अतिथि पोखरा महानगरपालिकाका प्रवक्ता एवम् वडा नं २५ का वडा अध्यक्ष मोती लाल तिमिल्सिनाले नजिकिदै गरेको बडा दशै र शुभ दिपावलीको शुभकामना दिदै क्लबले गरेको कामको प्रशंशा गर्नुभयो । कार्यक्रम संयोजक बिश्वास तिमिल्सिनाले कार्यक्रम गर्दै सहयोग गर्नु हुने वडा, हिमालयन आँखा अस्पतालका प्राविधिक लगायत सम्पूर्ण उपस्थित व्यक्तित्वलाई धन्यवाद दिनुभयो । रोट्रयाक्ट क्लब अफ हेमजाका पुर्वा अध्यक्ष बिकल थापाले हेमजामा भएका सबै संसस्थाले समन्वय गरेर अझै यस्ता कार्यक्रम संचालन गरे युवालाई थप प्रेरणा मिल्ने बताउनुभयो । कार्यक्रममा विष्णु पादुका माध्यमिक बिद्यालयका प्राध्यापक दीपक पौडेल ,कार्यपालिका सदस्य धनाकुमारी पोखरेल , समाजसेवी दानबहादुर थापा,आशिर्वाद क्लब अफ नेपालका प्रमुख इन्चार्ज बिक्रम बराल लगायत बोल्नु भएको थियो ।
आशिर्वाद क्लब अफ नेपाल हेमजाका अध्यक्ष प्रशान्त पौडेलको अध्यक्षतामा भएको कार्यक्रममा स्वागत उपाध्यक्ष अनिशा खड्काले र सञ्चालन सचीव बिश्व राज पौडेलले गर्नु भएको थियो ।