खोजी विशेष संवाददाता
असोज ३, पोखरा
राधा–लक्ष्मी स्मृति पुरस्कार शैक्षिक तथा धार्मिक क्षेत्रमा उल्लेख्य योगदान पु¥याएका शिक्षासेवी एवम् पण्डित माधवशरण बाँस्तोलालाई अर्पण गरिने भएको छ ।
साहित्यिक, शैक्षिक, सामाजिक एवम् आध्यात्मिक व्यक्तित्व लक्ष्मीशरण उपाध्याय र सहधर्मिणी राधा पौडेलको स्मृतिमा परिवारद्वारा स्थापित पुरस्कार हेमजा साहित्य प्रतिष्ठान नेपालद्वारा सञ्चालित छ । उक्त पुरस्कारको राशि १५०००/- नगदसहित सम्मानपत्र र दोसल्ला रहेको छ ।
प्रतिष्ठानले कास्कीको हेमजामा जन्मेर लामो समयसम्म शिक्षा एवम् धार्मिक सेवामा समर्पित रहि शिक्षासेवाबाट अवकाश लिई धार्मिक क्षेत्रमा अग्रसर बनी विभिन्न धार्मिक पिठहरुका संचालक समितिको नेतृत्व लिगि, धर्मको माध्यम ( सप्ताह, एकाह, पुराण वाचन एवम् धार्मिक कार्य ) बाट समाजमा पु¥याएको योगदानको उच्च कदर गर्दै बाँस्तोलालाई पुरस्कृत गर्ने निर्णय गरिएको हो । प्रतिभा छनौट उपसमितिको सिफारिसलाई प्रतिष्ठानको बैठकले सर्वसम्मत पारित गरेको हो ।
लक्ष्मीशरण उपाध्याय र राधा पौडेलको स्मृतिमा पुत्रद्वय केशवशरण पौडेल र माधवशरण पौडेल परिवारद्वारा स्थापित कोषको व्याजबाट हरेक वर्ष उक्त पुरस्कार अर्पण गरिदै आइएको छ । यसअघि उक्त पुरस्कारबाट छन्दनायक माधव वियोगी, शिक्षासेवी चतुरमान श्रेष्ठ पुरस्कृत भइसकेका छन् । पुरस्कार असोज ८ गते पोखरामा एक समारोहका बीच अर्पण गरिने प्रतिष्ठानका अध्यक्ष बलराम पौडेलले जानकारी दिए ।